中环花海绽放!情人节6大放闪地方

今时今日嘅情人节,有情人嘅你,都知道情人节係一场战争!一场斗放闪嘅战争,你,真係準备好?!为大家精选6大情人节放闪好地方,最好环境靓靓之外,大部分都免费入场,无得输!

放闪圣地1:中环2.5万花海花海情侣齐放闪

要数近期最hit话题非呢个玫瑰花海莫属啦!之前喺首尔都有举办过,今次就轮到香港啦。展览将于情人节当日开幕,到时就可以带埋女朋友去影合照,放上网晒下命,又唔怕冇节目另一半会怨你啦!

 

 

展览将会喺情人节当日开始开放,每晚6时至11时玫瑰花就会亮灯。展期分为两个阶段,横跨中式及西式情人节,首阶段(2月14至16日)将会配上维港夜景,喺中西区海滨长廊摆放,第二阶段(2月20至22日)就喺添马公园展出,以中环高楼大厦的繁华景色作背景。花海「迁徙」期间(2月17至19日)会继续局部开放,但大家要留意如果落雨,花海将会暂停亮灯。

中环花海绽放!情人节6大放闪地方
工作人员不停「插花」,今个星期日(14/2)大家就见到2.5朵万玫瑰喇!

 

中环花海绽放!情人节6大放闪地方
第二阶段(2月20至22日)添马公园。

 

中环花海绽放!情人节6大放闪地方
张智霖(Chilam)与太太袁咏仪(靓靓)表现恩爱,自爱儿Morton出世后,美满幸福家庭羡煞旁人。靓靓提到爱最大的能量就是包容,包括忍耐和接受对方种种;而Chilam认为爱是生命的原动力,欠缺爱生存就没有意义了,他又坦言现在的香港缺乏了「喜爱」,一种开心的爱,所以希望有些开心事发生令大家「喜爱」。
中环花海绽放!情人节6大放闪地方
首阶段(2月14至16日)中西区海滨长廊。

Light Rose Garden 玫瑰灯海园–香港站

地点:中环海滨 (显示地图)

开放日期:14/2 – 16/2 ; 20/2 – 22/2

放闪圣地2:愉景湾 心心花阵

对于出名要求多嘅香港人,睇完影完最好附近有得食埋,又要有情调就perfect池啦!咁愉景湾呢个心心花阵应该满足到高要求嘅你同妳喇!由听日(2月13日)去到情人节两日仲可以坐观光马车添!好多人都知愉景湾充满外国风情,仲要有得坐马车,好似做咗王子公主咁,So romantic!係听日去到情人节指定时段到商场服务台,出示已「讚好」香港愉景湾 Facebook 专页的画面,仲可以免费获得心形爱情锁添!

中环花海绽放!情人节6大放闪地方

中环花海绽放!情人节6大放闪地方

中环花海绽放!情人节6大放闪地方

情约花季

地点:愉景北商场 (显示地图)

开放日期:2 月 13 及 14 日

放闪圣地3:中环、油麻地31条超靓楼梯画

想同靓靓楼梯画影相,唔驶再飞到首尔咁远喇。一班来自日、韩、台、法、港嘅艺术家,最近将中环PMQ嘅25条楼梯变身靓靓画作,画出属于香港嘅梯画;同时间係油麻地众坊街街坊会小学旁都可以捕获野生既楼梯画。悭返去韩国既钱,又可以同另一半食多啲好西啦!

中环花海绽放!情人节6大放闪地方 中环花海绽放!情人节6大放闪地方 中环花海绽放!情人节6大放闪地方 中环花海绽放!情人节6大放闪地方

日期:即日起至4月30日

地址:油麻地众坊街、中环鸭巴甸街35号PMQ玩创方

放闪圣地4:Hello Kitty 化身孙悟空大闹天宫

用得小三呢个字都知道Hello Kitty足以令女性陷入疯狂状态!新年流流连Hello Kitty都嚟香港凑热闹,今次仲同其他Sanrio的卡通人物化身成中国神话人物,务求俘虏所有女性的心。今次3D展览会係希尔顿中心举行,分三个时段。情人节到3月尾都会係中国神话,之后会係西方同希腊神话到今年8月尾。如果情人节去唔到都可以mark低返,呢几个月又多一个拍拖好地方!

中环花海绽放!情人节6大放闪地方中环花海绽放!情人节6大放闪地方
影出嚟嘅效果就好似爬喺横樑上面咁,好得意!大家留唔留意到背景嘅蜘蛛精?
中环花海绽放!情人节6大放闪地方
后面嘅布甸狗同女朋友马卡龙就一年先见一次,大家不妨手拖手企喺屋顶上面晒命,不过首先你要有……

HK3DM X SANRIO CHARACTERS奇幻三部曲

地址:尖东加连威老道96号希尔顿中心1楼 (显示地图)

营业时间:10am – 8pm

门票价格:单次门票 成人$120/ 小童$100(星期一至五、只限网上门票);成人$149/小童$120 (週末及公众假期);

三部曲套票:成人$298 / 小童$220

电话:2721 9720

网址

放闪圣地5 大生围天空之镜

元朗嘅景点越嚟越多人,有时想搵个少人D嘅地方影吓相都唔得,但大生围相对好得多,人流少,仲係一个宁静嘅小渔村,加上潮水清澈,山明水秀,营成了这个令人心醉的天空之镜

中环花海绽放!情人节6大放闪地方

中环花海绽放!情人节6大放闪地方

地址:元朗大生围 (显示地图)

放闪圣地6:下白泥夕阳

相信香港人对下白泥都唔陌生,呢度係新界最西面嘅地方之一,所以出咗名可以睇到靓日落!有体力嘅话,仲可以由屯门良田坳行入去,路程大约两小时,沿途风景都好靓~

中环花海绽放!情人节6大放闪地方

中环花海绽放!情人节6大放闪地方

地址:下白泥 (显示地图)

相关推荐